ખંભાળિયાના લાલુકા ગામે વીજલાઈનના વળતરનો પ્રશ્ન ઉકેલાયો

June 18, 2026 07:10 AM

યુવા આગેવાનોની મહેનતથી ખેડૂતોને ન્યાય મળ્યો

ખંભાળિયા તાલુકાના લાલુકા ગામના ખેડૂતોની જમીનમાંથી પસાર થતી વીજલાઈનના વળતર અંગે લાંબા સમયથી ચાલી રહેલા વિવાદનો આખરે સુખદ અંત આવ્યો છે. સ્થાનિક યુવા આગેવાનોની સતત મહેનત અને યોગ્ય મધ્યસ્થતાના કારણે ખેડૂતોના આ મહત્વના પ્રશ્નનું સફળ નિરાકરણ લાવવામાં સફળતા મળી છે.

આ પ્રશ્નની ગંભીરતાને સમજીને જિલ્લા પંચાયત સભ્ય ડો. પી.વી. કંડોરિયા, તાલુકા પંચાયત સભ્ય જયેશભાઈ ચાવડા, દેવાભાઈ કેશરિયા તેમજ પૂર્વ સભ્ય વિજયભાઈ નંદાણીયા સહિતના આગેવાનોએ સતત પ્રયાસો હાથ ધર્યા હતા. આ આગેવાનોએ ખેડૂતોના હિત માટે વીજ કંપનીના જવાબદાર અધિકારીઓ સાથે શ્રેણીબદ્ધ બેઠકો અને સચોટ રજૂઆતો કરી હતી. આગેવાનોની આ અથાગ મહેનત રંગ લાવી છે અને કંપની દ્વારા ખેડૂતોની માંગણીઓ સ્વીકારીને તેમને યોગ્ય તેમજ વાજબી વળતર આપવા માટે સત્તાવાર સહમતી દર્શાવવામાં આવી છે.

લાંબા સમય બાદ પોતાની પડતર માંગણીઓ સંતોષાતા અને યોગ્ય વળતર મળવાના રસ્તા સાફ થતાં લાલુકા ગામના ખેડૂતોમાં ભારે ખુશી અને સંતોષની લાગણી વ્યાપી ગઈ છે. ખેડૂતોએ યુવા આગેવાનોની આ નિષ્ઠાપૂર્વકની લડત અને મધ્યસ્થતાની કામગીરીને બિરદાવીને તેમનો હૃદયપૂર્વક આભાર વ્યક્ત કર્યો હતો. બીજી તરફ સફળતાપૂર્વક પ્રશ્ન ઉકેલાયા બાદ આગેવાનોએ પણ જણાવ્યું હતું કે, ખેડૂતોના પ્રશ્નો અને તેમના અધિકારો હંમેશા તેમની પ્રાથમિકતા રહેશે અને ભવિષ્યમાં પણ ખેડૂતોના હિત માટે તેઓ આ જ રીતે સતત કાર્યરત અને પ્રતિબદ્ધ રહેશે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application

ખંભાળિયાના લાલુકા ગામે વીજલાઈનના વળતરનો પ્રશ્ન ઉકેલાયો

Recent News

Gujarat's No. 1 evening newspaper