વડાપ્રધાન નરેન્દ્રભાઈ મોદીએ ગરીબો, વંચિતો તેમજ છેવાડાના નાના માં નાના માનવી આત્મનિર્ભર થઈ શકે તે હેતુથી અનેક કલ્યાણકારી યોજનાઓ અમલમાં મૂકી છે. આવી જ કેન્દ્ર સરકારની 'પી.એમ. સ્વનિધિ યોજના' જેના દ્વારા નાના વેપારીઓ, ફેરિયાઓ અને રેકડીધારકોના આર્થિક સ્થિતિ માટે ખૂબ જ મદદરૂપ સાબિત થઈ રહી છે. જેનું ઉત્તમ ઉદાહરણ દેવભૂમિ દ્વારકા જિલ્લાના ખંભાળિયા રહેવાસી જીગ્નેશભાઈ ચંદરાણા. 

જીગ્નેશભાઈ ચંદરાણાએ જણાવ્યુ કે, હું છેલ્લા ૧૮ વર્ષથી ખંભાળિયા ખાતે ઇલેક્ટ્રોનિક વસ્તુ વેચવાનું કામ કરું છું. મને જાણવા મળ્યું કે નગરપાલિકામાં ફેરિયા અને રેકડીધારકો માટે પી.એમ. સ્વનિધિ યોજના કાર્યરત છે. જેમાં નાના વેપારીઓને ખૂબ જ ઓછા વ્યાજદરે લોન મળે છે. જેથી મેં નગરપાલિકામાં NULM શાખાનો સંપર્ક કર્યો અને યોજનાના ફાયદા વિશે જાણકારી મેળવી હતી.