જામનગર શહેર ભાજપ લઘુમતી મોરચા દ્વારા સીટી-એ ડિવિઝન પીઆઈનું સન્માન કરાયું

જામનગરમાં પવિત્ર મોહરમ પર્વ દરમિયાન કાયદો અને વ્યવસ્થા જાળવવા માટે નિષ્ઠાપૂર્વક ફરજ બજાવનાર પોલીસ અધિકારીનું સન્માન કરવામાં આવ્યું. ભારતીય જનતા પાર્ટીના જામનગર શહેર લઘુમતી મોરચા દ્વારા આ કાર્યક્રમ યોજાયો.

ભારતીય જનતા પાર્ટી – જામનગર શહેર લઘુમતી મોરચા દ્વારા મોહરમ પર્વ નિમિત્તે જામનગર સિટી 'એ' ડિવિઝનના પોલીસ ઈન્સ્પેક્ટર ડોડીયાને શાલ ઓઢાડી અને પુષ્પગુચ્છ અર્પણ કરીને સન્માન કરવામાં આવ્યું.​​​
​​​​​​​આ પ્રસંગે શહેર લઘુમતી મોરચાના પ્રમુખ ઉમરભાઈ બ્લોચ, મહામંત્રીઓ હારુનભાઈ આંબલીયા અને જુનેદભાઈ જુણેજા, ઉપપ્રમુખ અકબર બાપુ દીવાન, આઈટી તથા સોશિયલ મીડિયા ઇન્ચાર્જ શાહરુખ ખાન પઠાણ સહિત અફઝલભાઈ મુરીમાં અને નૌશાદભાઈ મુરીમાં ઉપસ્થિત રહ્યા હતા. કાર્યક્રમ દરમિયાન આગેવાનોએ પોલીસ વિભાગની નિષ્ઠાપૂર્વકની કામગીરીને બિરદાવી શુભેચ્છાઓ પાઠવી હતી.