જામનગર: ધ્રોલમાં સજા વોરંટનો આરોપી જેલ હવાલે કરાયો

June 11, 2026 07:37 AM

ધ્રોલ પોલીસે કોર્ટ દ્વારા સજા ફરમાવાયેલા અને લાંબા સમયથી નાસ્તા ફરતા આરોપીને ઝડપી પાડી જેલ હવાલે કર્યો છે.

પોલીસ વિભાગના ઉચ્ચ અધિકારીઓની સૂચના અને માર્ગદર્શન હેઠળ સજા વોરંટના આરોપીઓને શોધી પકડવાની ઝુંબેશ દરમિયાન ધ્રોલ પોલીસને સફળતા મળી હતી. મળેલી બાતમીના આધારે પોલીસે રફીક હબીબભાઈ સામતાણી (ઉ.વ. ૩૬), રહે. ધ્રોલને ઝડપી પાડ્યો હતો.

આરોપી સામે બે અલગ-અલગ ફોજદારી કેસોમાં કોર્ટ દ્વારા સજા ફરમાવવામાં આવી હતી. એક કેસમાં ચાર માસની સાદી કેદ તથા બીજા કેસમાં એક વર્ષની સાદી કેદની સજા કરવામાં આવી હતી. જોકે સજા હુકમ બાદ આરોપી ફરાર થઈ ગયો હતો અને પોલીસ તેને શોધી રહી હતી.

ધ્રોલ પોલીસ સ્ટેશનના પીઆઈ એચ.વી. રાઠોડના માર્ગદર્શન હેઠળ પોલીસ ટીમે ચોક્કસ બાતમીના આધારે કાર્યવાહી કરી આરોપીને ઝડપી પાડી કાયદેસરની કાર્યવાહી પૂર્ણ કરી જેલ હવાલે કર્યો હતો.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application

જામનગર: ધ્રોલમાં સજા વોરંટનો આરોપી જેલ હવાલે કરાયો

Recent News

Gujarat's No. 1 evening newspaper