દેવભૂમિ દ્વારકા : કમોસમી વરસાદથી થયેલ નુકસાન સંદર્ભે "કૃષિ રાહત પેકેજ ઓક્ટોબર ૨૦૨૫" અંતર્ગત ઓનલાઈન પોર્ટલ પર અરજી કરવાની રહેશે

November 18, 2025 05:13 AM

રાજ્યમાં બીજા પખવાડીયામાં રાજયના તમામ જિલ્લાઓમાં નોંધાયેલ કમોસમી વરસાદની વ્યાપકતા અને નુકસાનીના કારણે થયેલ પાક નુકસાની સંદર્ભે ખેડૂતોને સહાય આપવા માટે "કૃષિ રાહત પેકેજ ઓક્ટોબર-૨૦૨૫" જાહેર કરવામાં આવેલ છે.

જેમાં દેવભૂમિ દ્વારકા જિલ્લાના તમામ ખેડૂત ખાતેદારોને ખરીફ ૨૦૨૫ ઋતુમાં વાવેતર કરેલ પાકોમાં ૩૩% કે તેથી વધુ નુકસાન થયેલ હોય, તેમને રૂ. ૨૨,૦૦૦/- પ્રતિ હેકટર લેખે સહાય મળવાપાત્ર થશે.

અરજી કેવી રીતે કરવી?

• આ પેકેજનો લાભ મેળવવા માટે ખેડૂતોએ ઓનલાઈન અરજી કરવાની રહેશે

• અરજી ગ્રામ્ય કક્ષાએ ઈ-ગ્રામ સેન્ટર પર VLE/VCE મારફત "કૃષિ રાહત પેકેજ (KRP) પોર્ટલ" પર કરવાની રહેશે તેમજ ખેડૂતોએ અરજી કરવા માટે કોઈ ફી ચૂકવવાની રહેશે નહીં

• આ સહાય ખાતાદીઠ (ગામ નમૂના નં-૮/અ મુજબ) મહત્તમ બે (૨) હેકટરની મર્યાદામાં જ મળવાપાત્ર થશે.

અરજી માટે જરૂરી સાધનિક પુરાવા

અરજી કરતી વખતે ખેડૂતોએ નીચે મુજબના ડોક્યુમેન્ટ્સ સાથે રાખવાના રહેશે: ગામ નમૂના નં. ૮-અ, તલાટીનો વાવેતરનો દાખલો (જેમાં પાક વાર વાવેતર વિસ્તાર દર્શાવેલ હોય) /ગામ નમૂના નં. ૭-૧૨, આધાર નંબર, મોબાઇલ નંબર, બેંક એકાઉન્ટ નંબર, IFSC કોડ તથા નામ દર્શાવતી બેન્ક પાસબુક પાનાની નકલ અને સંયુક્ત ખાતાના કિસ્સામાં, અન્ય ખાતેદારોની સહી વાળો “ના - વાંધા અંગેનો સંમતિ પત્ર”.

જિલ્લાના તમામ અસરગ્રસ્ત ખેડૂતોને વહેલી તકે ઓનલાઈન અરજી કરી આ પેકેજનો લાભ લેવા વિનંતી છે, તેમ જિલ્લા ખેતીવાડી અધિકારી, દેવભૂમિ દ્વારકાની યાદીમાં જણાવાયું છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application

Recent News

Gujarat's No. 1 evening newspaper