ભારતમાં બાળ દત્તક લેવાની પ્રક્રિયા અંગે ખૂબ જ સકારાત્મક અને આશ્વાસન આપનારા સમાચાર સામે આવ્યા છે. સેન્ટ્રલ એડોપ્શન રિસોર્સ ઓથોરિટીના ડેટા અનુસાર, એપ્રિલ ૨૦૨૫ થી માર્ચ ૨૦૨૬ દરમિયાન દેશમાં કુલ ૫,૦૨૨ બાળકોને દત્તક લેવામાં આવ્યા હતા. આ છેલ્લા દાયકામાં સૌથી વધુ આંકડો છે.સેન્ટ્રલ એડોપ્શન રિસોર્સ ઓથોરિટીના ડેટા અનુસાર, વર્ષ ૨૦૨૫–૨૬ દરમિયાન દેશમાં કુલ ૫,૦૨૨ બાળકોને દત્તક લેવામાં આવ્યા હતા, જે ૨૦૨૪–૨૫ માં ૪,૫૧૫ બાળકોના પાછલા વર્ષના આંકડા કરતા નોંધપાત્ર રીતે વધારે છે. આ ૫,૦૨૨ બાળકોમાંથી, ૪,૬૦૩ ને ઘરેલુ રીતે, એટલે કે, દેશમાં નવા પરિવારો મળ્યા, યારે બાકીના ૪૧૯ બાળકોને વિદેશી દત્તક દ્રારા દત્તક લેવામાં આવ્યા હતા.
અહેવાલમાં એ પણ પ્રકાશિત કરવામાં આવ્યું છે કે દત્તક લેવાયેલા બાળકોની સંખ્યામાં ૨,૭૫૬ છોકરીઓ, ૨,૨૬૩ છોકરાઓ અને 'અન્ય' શ્રેણીમાં ૩ બાળકોનો સમાવેશ થાય છે. ગયા વર્ષની સરખામણીમાં છોકરીઓને દત્તક લેવામાં ૮% નો વધારો થયો છે.વધુમાં, ખાસ ક્ષમતા ધરાવતા બાળકોના સંદર્ભમાં, ગયા વર્ષે આવા ૩૯૨ બાળકોને દત્તક લેવામાં આવ્યા હતા, જે ૨૦૨૪–૨૫ માં ૩૧૩ થી ૨૫% નો વધારો દર્શાવે છે.
આ રેકોર્ડમાં વધારો થવાનું કારણ શું
બાળકો દત્તક કેવાની સંખ્યામાં રેકોર્ડ વધારો થવાનું કારણ સમજતા પહેલા આપણે સામનો કરી રહેલા પડકારોનો પણ વિચાર કરવો જોઈએ. આશરે ૨૬,૦૦૦ લોકોની રાહ જોવાની યાદી અને ૦–૨ વર્ષની વયના મર્યાદિત સંખ્યામાં બાળકો હોવા છતાં આ સફળતા મળી છે તે જોવું જોઈએ.સેન્ટ્રલ એડોપ્શન રિસોર્સ ઓથોરિટીના સીઈઓ ભાવના સકસેનાના જણાવ્યા અનુસાર, આ મુખ્યત્વે સેન્ટ્રલ એડોપ્શન રિસોર્સ ઓથોરિટીના ઓળખ સેલ દ્રારા સ્પેશિયલાઇડ એડોપ્શન એજન્સીઓ અને બાળ કલ્યાણ સમિતિઓ સાથે નજીકથી કામ કરવાને કારણે છે જેથી ખાતરી કરી શકાય કે સંસ્થાઓમાં લાયક બાળકોને વિલબં વિના દત્તક લેવા માટે કાયદેસર રીતે મુકત જાહેર કરવામાં આવે.વધુમાં, માળખાગત સુવિધાઓના વિસ્તરણ પર ભાર મૂકવામાં આવ્યો છે. સિસ્ટમને મજબૂત બનાવવા માટે, ગયા વર્ષે ૧૧૮ નવી બાળ કલ્યાણ સમિતિઓની રચના કરવામાં આવી હતી અને ૫૨ નવી વિશિષ્ટ્ર એજન્સીઓ નોંધાઈ હતી. જુલાઈ ૨૦૨૪ થી કુલ ૨૬૬ નવા  જઅઅ સક્રિય કરવામાં આવ્યા છે