મહારાષ્ટ્રના પંઢરપુરમાં એક મોટો અકસ્માત થયો છે. યાત્રાળુઓને લઈ જતી એક પિકઅપ વાન કૂવામાં ખાબકી જતા 14 લોકોના મોત થયા છે. આ બધા લોકો પંઢરપુરના રંજાણી ગામના રહેવાસી હોવાનું કહેવાય છે. તેઓ યાત્રા પર જતા હતા.

NCP નેતા રોહિત પવારે આ અકસ્માત પર દુઃખ વ્યક્ત કર્યું છે. ઇન્સ્ટાગ્રામ પર એક પોસ્ટમાં તેમણે કહ્યું, "મહસવડ-પંઢરપુર રોડ (તાલુકા માલશીરસ, જિલ્લો સોલાપુર) પર એક પિકઅપ ટ્રક કૂવામાં પડી જવાથી 14 લોકોના મોતના સમાચાર અત્યંત દુઃખદ, હૃદયદ્રાવક અને આઘાતજનક છે. મૃતકોને હૃદયપૂર્વક શ્રદ્ધાંજલિ! આપણે બધા મૃતકોના પરિવારોના દુ:ખમાં સહભાગી છીએ. આ અકસ્માતના કારણની તપાસ કરવાની સાથે, સરકારી તંત્રએ તાત્કાલિક બચાવ કામગીરીમાં મદદ કરવી જોઈએ.